Atyraý kásipkerleri nesıeniń paıyzdyq mólsherlemesi úshin sýbsıdııa ala almaı otyr
Atyraý oblystyq kásipkerler palatasynda kásipkerler shaǵymy qaraldy. Kásipker Baýyrjan Jolmuhanovtyń aıtýynsha, «Damý» qory arqyly banktik kredıtterdiń paıyzdyq mólsherlemelerdi sýbsıdııalaýǵa beriletin qarjysy mamyrda taýsylǵan. Sodan beri kásipkerler paıyzdyq mólsherlemelerdiń somasyn óz qaltasynan tolyǵymen óteýge májbúr.
«Shart talaptaryna sáıkes bul qarajattyń bir bóligin «Damý» qory sýbsıdııalaýǵa tıis edi. Sýbsıdııaǵa beriletin qarjy mamyr aıynda taýsyldy. Bul jaǵdaı jyl saıyn qaıtalanady. Bul kimniń kinásinen bolyp otyr? Kásipkerler nege zardap shege berýi kerek? Biz qazir nesıeni 22 paıyzben tóleımiz. Óıtkeni sýbsıdııa joq. Men oblys úshin strategııalyq mańyzy bar kóterme-taratý ortalyǵyn salyp jatyrmyn. Oǵan qarajatym jetispeıdi. Sýbsıdııa bolmaǵan soń nesıe ala almaımyn», - dep shaǵymdandy kásipker.
Oblystyq kásipkerlik jáne týrızm basqarmasynyń bólim basshysy Sáttiǵul Sabyrovtyń aıtýynsha, mundaı problema barlyq oblysta bar.
«Birneshe óńirde bul másele sheshimin tapty. Al bizde áli de sheshimin tapqan joq. Bıyl bul maqsatqa 11,4 mlrd teńge bólindi. Onyń ishinde 6,6 mlrd teńge buryn maquldanǵan jobalar boıynsha mindettemelerge, jańa jobalarǵa 2,9 mlrd teńge qaralǵan. Bul qarjy mamyr aıynda taýsyldy. Qosymsha 5.2 mlrd teńge kóleminde qarjy qajet. Biz ony qyrkúıek aıynda respýblıkalyq bıýdjetten alýdy josparlap otyrmyz. Qarjy bólý úshin ekonomıkalyq negizdeme qajet. Biz bul aqparatty «Damý» qorynan suraımyz. Olar qansha qarjyny suraıdy, biz sony bólemiz. Sharttarǵa sáıkes qor ótinim berip, suralǵan qarjyny qorǵaýy kerek. Qor ókilderi mamyr aıynda oblys ákiminiń aldynda negizdeme bere almady», - dep málim etti Sáttiǵul Sabyrov.
Onyń aıtýynsha, kásipkerlerden jańa jobany qarjylandyrýǵa 400-den astam ótinim túsken. Alaıda olar qarjynyń joqtyǵynan kútý rejıminde tur.
Eske sala ketelik, budan buryn Atyraýda kásipkerlikti damytýǵa 900, turǵyn úımen qamtýǵa 44 mlrd teńge bólingenin jazǵan edik.