Atyraý kásipkeri múmkindigi shekteýli jandar úshin ınvataksıler syılady

ATYRAÝ. QazAqparat – Atyraýda jeke kompanııa múmkindigi shekteýli jandar úshin eki ınvataksı syılady, dep habarlaıdy QazAqparat.

Atyraý qalalyq ákimdigi baspasóz qyzmetiniń aqparatyna súıensek, bul kólikterdi Qazaqstandaǵy McDonalds kompanııasy alyp bergen.

«Kompanııanyń bas dırektory Áset Mashanov​ Atyraý qalalyq ákimdigine múmkindigi shekteýli​ jandarǵa​ arnalǵan eki kóliktiń kiltin tabystady. «Volkswagen Crafter Kasten« markaly shaǵyn avtobýstar múmkindigi shekteýli jandardy tasymaldaýǵa paıdalanylady. Kólikter qajetti talaptar men standarttarǵa sáıkes keledi. Munda arbalarǵa arnalǵan kótergishter ornatylǵan. Al kóterý – basqarý pýlttiniń kómegimen atqarylady. Arnaıy kólikter qalalyq jumyspen qamtý, áleýmettik baǵdarlamalar jáne azamattardyń hal aktilerin tirkeý bóliminiń teńgerimine berildi», - dep habarlady ákimdiktiń baspasóz qyzmetinen.
Vedomstvo málimetinshe, Atyraý qalasynda McDonalds meıramhanasynyń qurylysyn salý úshin jer telimi bólingen.