Atyraý qalasynyń oń jaq bóliginde úsh kún boıy gaz bolmaıdy
14:53, 24 Shilde 2018
ATYRAÝ. QazAqparat - Atyraý qalasynyń oń jaq bóliginde gaz óshiriledi, dep habarlaıdy QazAqparat tilshisi.
«QazTransGazAımaq» AQ magıstraldyq gaz qubyryndaǵy jumystarǵa baılanysty gaz berý toqtatylatynyn habarlady.
Jóndeý jumystary «Atyraý magıstraldyq gaz qubyry ákimshiliginiń 2018 jylǵa gaz taratý stantsııalary úshin josparly aıaldamalar kestesine» sáıkes júzege asyrylady. Osyǵan oraı, 24 shildeden bastap 26 shildege deıin Atyraý qalasynyń oń jaǵalaýyndaǵy Erkinqala aýylynan Almaly aýylyna deıingi qala mańy eldi mekenderinde tutynýshylarǵa tabıǵı gaz jetkizý toqtatyldy.
«Qala turǵyndary men qonaqtarynan tıisti saqtyq sharalaryn saqtaýyn ótinemiz», - delingen «QazTransGazAımaq» AQ oblystyq fılıaly taratqan habarlamada.