Atyraý qalasynyń kóshesinde túlki júr
Búgin áleýmettik jeli men WhatsApp messendjerinde kóshede júrgen túlki týraly vıdeo tarady. Vıdeo Atyraý qalasyndaǵy saýda úıiniń aldynda túsirilgen.
Oblystyq ańshylar men balyqshylar qoǵamynyń bas ańshysy Aleksandr Ivasenkonyń aıtýynsha, túlki sekildi jabaıy ań qozǵalysy kóp qalaǵa kirmeıdi.
«Túlki oba sekildi qaýipti ınfektsııalyq aýrýlardy taratatyn ańǵa jatady. Sondyqtan, mundaı jabaıy ańnan saq bolý kerek», -deıdi Aleksandr Ivasenko.
Al, Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasynyń bólim basshysy Mereke Shalharovtyń pikirinshe, bul qolda ustalǵan ań bolýy múmkin.
«Dúkenniń esigine kirgisi kelgen áreketine qaraǵanda, jyly jer izdegen sekildi. Dalada júrgen ańǵa uqsamaıdy. Atyraýda ekzotıkalyq jabaıy janýarlardy úıde ustaýdy jaqsy kóretinder bar dep estidim. Al, qutyrý aýrýyna shaldyqty ma, joq pa, ony tek zerthanalyq taldaý arqyly anyqtaýǵa bolady», - deıdi ol.
Eske sala ketelik, budan buryn atyraýlyq áýesqoı balyqshylar jylanǵa uqsas balyq ustaǵanyn jazǵan bolatynbyz.