Atyraý qalasynyń ákimi aıyna qansha jalaqy alady
19 tamyzda Memleket basshysy sybaılas jemqorlyqqa qarsy kúres máseleleri jóninde keńes ótkizip, memlekettik organdardyń sybaılas jemqorlyqqa qarsy is-qımyl baǵytyndaǵy jumystaryna jańa serpin berý kerektigin atap ótti.
Bul rette QR Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti azamattyq qoǵammen syndarly dıalog ornatý maqsatynda «Antikor.Live» jobasy sheńberinde «Ákimdikterdiń ashyqtyǵy « taqyrybynda Atyraý qalasy ákimi Qaırat Orazbaevtyń qatysýymen Facebook paraqshada tikeleı efır ótkizdi.
Efır barysynda Qaırat Qulymuly qoıylǵan suraqtarǵa jaýap berip, keıbir máselelerdi baqylaýǵa aldy.
Sonymen qatar, «Sybaılas jemqorlyq biz úshin emes» respýblıkalyq aktsııasy aıasynda Atyraý oblysynyń aýdan ákimderi jalaqysyn jarııa etti.
Nátıjesinde aýdan ákimderi eńbekaqysy aıyna 755 485 teńge ekenin kórsetti.
Osy joly «Jalaqyńyz qansha?» degen suraq Atyraý qalasy ákimine qoıylyp, onyń 380 000 teńgedeı jalaqy alatyny belgili boldy.