Atyraý qalasynda jańajyldyq jármeńke ashyldy
Atyraýlyq 24 jastaǵy kásipker Rýslan Qulmaǵambetov «Saraıshyq» bazarynyń aldyndaǵy alańdy qysqy ǵajaıyptar álemine aınaldyrdy. «Qysqy ertegi» jańa jyldyq jármeńkesinde serýendep, London qalasyndaǵy kósheniń birin elestetedi.
Munda birneshe aǵash úı ornatylǵan. Túnde gırlıandalar janyp turady. Ortasynda jańajyldyq shyrsha jarqyraıdy. Shyrsha janyna úrlengen Aıaz ata men Aqsha qar qoıylǵan. Bul jármeńkede býrgerge, hosh ıisti sýsyndar tapsyrys berip, mýzyka tyńdaýǵa bolady. Estelik kádesyılar, kosmetıkalyq buıymdar satylady.
«Bıylǵy jyl bárimiz úshin ońaı bolmady. Buqaralyq is-sharalar toqtatyldy. Jańa jyl qarsańynda súıiktim ekeýmiz atyraýlyqtarǵa, qala qonaqtaryna merekelik kóńil-kúı syılaǵymyz keldi. Bizdiń jumysshylar aǵash taqtalardan úı turǵyzdy. Jármeńkege óz ónimderin usynýǵa jas kásipkerler shaqyryldy», - deıdi Rýslan Qulmaǵambetov.
Onyń aıtýynsha, Eýropanyń túrli qalasynda birneshe ret bolǵan. London qalasyndaǵydaı jármeńkeni Atyraýda uıymdastyrýdy armandaǵan eken.
Jańajyldyq jármeńke 15 qańtarǵa deıin saǵat 12.00-den 22.00-ge deıin ashyq bolady.