Atyraý qalasynda sol jaǵalaýǵa gaz berý ýaqytsha toqtatylady
«QazTransgaz Aımaq» AQ-nyń óndiristik fılıalynan málim etkendeı, buǵan «Atyraý» gaz taratý stantsııasynda (GTS-1) júrgiziletin jóndeý jumystary sebep bolǵan.
«Osyǵan baılanysty 6-10 qyrkúıek jáne 27 qyrkúıek-3 qazan aralyǵynda saǵat 8.00-den Atyraý qalasynyń sol jaǵalaý bóliginiń tutynýshylaryna gaz berý ýaqytsha toqtatylady. Atap aıtqanda, Vokzal mańy, Almagúl, Ortalyq, Turǵyn úı qalashyǵy, Kókarna, SMP-136, SMP-163, Hımık, Balyqshy shaǵyn aýdandary men M.Ótemisov, Ó.Atambaev kósheleri men Azattyq dańǵylyndaǵy tutynshýylarǵa tabıǵı gaz berilmeıdi. Sondaı-aq, Aqjaıyq, Qursaı, Tasqala, Jańatalap, Qurmanǵazy, Atyraý, Damby eldi mekenderiniń tutynýshylaryna gaz berý ýaqytsha toqtatýǵa sheshim qabaldandy», dep habarlady kompanııanyń fılıalynan.