Atyraý qalasynda esirtki bıznesin uıymdastyrǵan qylmystyq top ustaldy
«2022 jylǵy 6 naýryzda Atyraý qalasynda UQK departamentiniń qyzmetkerleri kannabıstik toptaǵy esirtkini óńirlik jetkizý arnasyna qatysy bar degen kúdikpen Qazaqstan Respýblıkasynyń 3 azamatyn ustady.
Bıylǵy 7 naýryzda toptyń taǵy bir qatysýshysy ustaldy. Aldyn ala derekter boıynsha, ol esirtki arnasynyń uıymdastyrýshysy bolǵan.
Protsessýaldyq is-sharalar barysynda zańsyz aınalymnan 61 keliden astam marıhýana esirtkisi alyndy, onyń qara naryqtaǵy quny 60 mln teńgeden artyq somaǵa baǵalanyp otyr.
Osy faktiler jónindegi sotqa deıingi materıaldar QR QK 297-baby 3-bóligi boıynsha sotqa deıingi tergep-tekserýdiń biryńǵaı tizilimine tirkeldi», - delingen QR UQK habarlamasynda.
Málim etilgendeı, Atyraý oblysynyń tergeý soty kórsetilgen adamdarǵa qatysty qamaýda ustaý túrindegi bultartpaý sharasyn sanktsııalady.