Atyraý qalasynda 40 myńnan asa kásipker bar
03:57, 13 Aqpan 2021
ATYRAÝ. QazAqparat –Atyraý qalasynda 40 488 shaǵyn jáne orta kásipkerlik nysany tirkelgen, dep habarlaıdy QazAqparat.
Atyraý qalasynyń ákimi Qaırat Orazbaevtyń aıtýynsha, munaıly shaharda shaǵyn jáne orta kásipkerlik salasynda 40 488 nysan jumys istep tur.
«Byltyr Jumyspen qamtý ortalyǵyna 14 myńna astam adam ótinish bildirdi. Onyń ishinde 8 259 adam turaqty jumysqa ornalastyryldy. Al, 920 jumyssyz kásibı oqytýǵa tartylyp, 2 034 adam ýaqytsha jumystarǵa qatysýǵa múmkindik aldy» -deıdi Qaırat Orazbaev.
Onyń málimetine qaraǵanda, byltyr Atyraý qalasynda 9 907 jańa jumys orny ashylǵan. Shaǵyn jáne orta kásipkerlik salasynda bıznes ıdeıasyn iske asyrý úshin 240 adamǵa 133,2 mln teńgeniń memlekettik grant berilgen.
Eske sala ketelik, budan buryn «Eńbek» baǵdarlamasymen 1070 atyraýlyq 2,6 mlrd teńgeniń grant pen nesıe alǵanyn habarlaǵan bolatynbyz.