Atyraý qalasy ekige bólinýi múmkin
Ortalyq kommýnıkatsııalar qyzmetindegi baspasóz máslıhatynda jýrnalıster ákimnen: «Atyraý qalasynyń halqy qazirgi ýaqytta 400 myńnan asyp ketti. Kópshilik qalany eki aýdanǵa bólý qajettigi týyndap otyr deıdi. Ákimdik mundaı múmkindikti qarastyryp otyr ma?» - dep suraǵan edi.
Ákim de bul máseleniń qarastyrylyp jatqandyǵyn atap ótti.
«Bizde Úkimet qaýlysymen bekitilgen Atyraý qalasynyń damý jospary bar. Josparǵa sáıkes, halyq sany ósken kezde ákimshilik-aýmaqtyq qurylym aıqyndalýy múmkin. Mine, biz osyny qarastyryp jatyrmyz. Bizde Jaıyq ózeni bar. Ol qalany eki bólikke bólip jatyr. Osyǵan baılanysty qalany eki bólikke bólýge qatysty kózqarasymyz bar», - dep jaýap berdi oblys ákimi.
Sonymen qatar, ol qalany ekige bólý máselesinde halyqtyń pikiri eskeriletindigin atap ótti.
«Qalany bólgen kezde turǵyndarǵa qolaısyzdyq jasamaýymyz kerek. Sondyqtan, shekaraǵa qatysty naqty sheshimiz bolǵanda bul máseleni mindetti túrde talqylaýǵa shyǵaramyz», - dedi Serik Shápkenov.