Atyraý áýejaıynda Nur-Sultanǵa bet alǵan ushaq shuǵyl túrde jerge qondy
02:45, 27 Qazan 2019
ATYRAÝ. QazAqparat – Atyraýda ushaq shuǵyl jaǵdaıda jerge qondy. Osy sebepti Nur-Sultan qalasyna jóneltiletin reıs keıinge shegerildi, dep habarlaıdy QazAqparat tilshisi.
Atyraý halyqaralyq áýejaıynyń anyqtama qyzmeti málim etkendeı, senbi kúni keshke qaraı Nur-Sultan qalasyna attanýy tıis KS 984 reısi jeksenbi kúngi 14:20-ǵa shegerilgen.
Elordaǵa attanbaq bolǵan jolaýshylarǵa reıstiń shuǵyl jaǵdaıda jerge qonýǵa májbúr bolǵany sebepti keıinge shegerilgeni aıtylǵan. Ne sebepti ushaq shuǵyl jerge qonǵany jaıly aqparat joq.