Atyraý aýasynda kúkirtti sýtek pen kómirtegi oksıdi taǵy da normadan asyp ketti

ATYRAÝ. QazAqparat – Atyraýda kúkirtti sýtek pen kómirtegi oksıdiniń normadan asqany tirkeldi, dep habarlaıdy QazAqparat.

Oblystyq ekologııa departamenti baspasóz qyzmetiniń málimetinshe, aýa sapasyn baqylaıtyn 34 stansa bar.

Onyń ishinde «Qazgıdromet» AQ óńirlik fılıalynyń balansyna 11 stansa alynǵan.

Al 4 stansa Atyraý munaı óńdeý zaýytyna tıesili bolsa, 19 stansaǵa «Nort Kaspıan Opereıtıng Kompanı» kompanııasy ıelik etedi.

Departament basshysynyń orynbasary Syrym Tilegenovtiń deregine júginsek, aýadaǵy jaǵymsyz ıis 24 naýryzda biline bastaǵan.

Máselen, búgin, 18 sáýirde «Vostok» shaǵynaýdanyndaǵy stansada kúkirtti sýteginiń mólsheri bir tekshe metrge 8,6 mkg bolyp tirkelgen.

Al, basqa shaǵynaýdandarda bul kórsetkish 2-3,8 mkg aralyǵynda bolǵan.

Aýa sapasynyń nasharlaýyna áser etetin kómirtegi okısdiniń mólsheri de normadan asqanyn baıqaýǵa bolady.

«Nursaıa» shaǵyn aýdanyndaǵy aýa sapasyn baqylaıtyn stansada tekshe metrge 3293 mkg mólsherin kórsetip tur.

Mundaı normadan tys joǵary kontsentratsııalar qalanyń ózge shaǵynaýdandarynda da baıqalǵan. Onyń ishinde azot dıoksıdi de bar.

Eske sala ketelik, buǵan deıin Atyraý turǵyndary aýadaǵy sasyq ıiske shaǵymdanǵanyn jazǵan edik.

Aýa sapasyn teksergen ekologtar Atyraý aýasynda kúkirtti sýtek shekti normadan asyp ketkenin anyqtady.

Keıin Kaspıı jaǵalaýynda janǵan qamys tútini Atyraýdy basyp qaldy.

Osyǵan baılanysty atyraýlyq turǵyn kóshege protıvogaz kıip shyqty.

Al Kaspıı jaǵalaýynd janǵan qamys órti 5 kúnnen soń sóndirildi.