Atyraý-Astrahan jolynyń qurylysy 2017 jyly bastalady
14:56, 13 Jeltoqsan 2016
ATYRAÝ. QazAqparat - Qazaqstandaǵy Atyraý men reseılik Astrahandy jalǵaıtyn tas jolynyń qurylysy 2017 jyly bastalady. Qurylys 2017-2022 jyldary «Nurly jol» memlekettik baǵdarlamasy aıasynda júrgiziledi.
Jumys barysynda negizgi avtokólik joly qaıta jóndýden ótip, asfaltbeton jabyny tóseledi, jol belgileri, kedergiler, avtobýs aıaldamalary tehnıkalyq normatıvke saı qoıylady, dep habarlady Atyraý oblystyq ákimdiginiń baspasóz qyzmeti.
Eske sala ketsek, Atyraý-Astrahan «Reseımen shekara (Astrahan) - Atyraý - Dossor - Qulsary - Beıneý - Saıótes - Túrkimenstanmen shekara» halyqaralyq tranzıttik dáliziniń bóligi bolyp tabylady, sondaı-aq Qazaqstannyń batys aımaqtary men Reseıdiń Ońtústik federaldy okrýgyn jalǵaıdy.