«Atyraý-Aqparat» medıaholdıngine jańa dırektor taǵaıyndaldy
«Atyraý-aqparat» ujymyna jańa basshyny Atyraý oblysy ákiminiń orynbasary Baqytgúl Hamenova tanystyryp, qyzmetine sáttilik tiledi.
Ysqaq Egemberdıev 1983 jyly dúnıege kelgen. Bilimi – joǵary.
2000-2004 jyldary ál-Farabı atyndaǵy Qazaq ulttyq ýnıversıtetiniń Jýrnalıstıka fakýltetin bitirgen. Budan soń osy oqý ornynda jýrnalıstıka magıstri biliktiligi men akademııalyq dárejesin alǵan.
Eńbek jolyn 2000 jyly Qaraǵandy oblysy Jezqazǵan qalasynyń «Saryarqa», «Mysty óńir» gazetterinde tilshi bolyp bastady.
2003-2004 j.j. «Qazaq ýnıversıteti», «Jas Alash» gazetteriniń tilshisi qyzmetterin atqarǵan. 2005-2019 jyldary aralyǵynda «Habar» agenttiginde stsenarıst, redaktor, shef-redaktor, prodıýser, joba jetekshisi boldy.
2019 sáýirinen bastap «Atyraý-Aqparat» JShS dırektorynyń orynbasary qyzmetin atqardy.
Qazirgi ýaqytta «Atyraý – Aqparat» medıaholdıngi 2 oblystyq, 7 aýdandyq gazetterdi, 11 saıtty jáne úlken baspahanany biriktirip otyrǵan úlken qurylym. Bul holdıngte dástúrli jýrnalıstıkamen birge, ınternet medıa damyp keledi.