Attestattaýdan keıin memlekettik qyzmetshiler sany qysqarmaıdy

ASTANA. QazAqparat - Attestattaýdan keıin «B» korpýsyndaǵy memlekettik qyzmetshiler sany qysqarmaıdy. Bul týraly eGov portalynyń «Ashyq dıalog» ınternet-konferentsııasy barysynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Alık Shpekbaev málim etti, dep habarlaıdy QazAqparat.

Internet arqyly qoıylǵan saýalda Almaty oblysynyń turǵyny attestattaýdan soń memlekettik apparat shtaty qysqarmaıdy ma degen suraq qoıdy.

 «B» korpýsynyń memlekettik qyzmetshilerin attestattaý nátıjelerinen soń memlekettik organ shtatyn qysqartý kózdelip otyrǵan joq», - dep atap ótti Shpekbaev óz jaýabynda.

Ol attestattaýdyń basty maqsaty - mamandardyń kásibı biliktilikterin anyqtaý jáne alyp otyrǵan laýazym qyzmetterine saı ne saı emestigin anyqtaý. Memlekettik qyzmetshilerdi keshendik baǵalaý olardyń biliktilik deńgeıin, qyzmetshilerdiń quzyrlylyǵyn, damytýdy qajet etetin tustaryn anyqtaý úshin, sonymen qatar qyzmette joǵarylatýǵa laıyqty bilikti qyzmetshilerdi irikteý úshin ótkiziledi.