Attestatsııadan ótpegen ishki ister organdary qyzmetkerleri jumystan bosatyla ma
«Attestatsııalaý nátıjesinde qanaǵattanarlyqsyz baǵa alǵan qyzmetkerlerge úsh usynys beriledi. Birinshi — laýazymyn tómendetý. Ekinshi, basqa laýazymǵa aýysý nemese ishki ister organdarynda basqa baǵytta jumys isteý. Úshinshisi — jumystan shyǵarý. Eger polıtsııa qyzmetkeri aımaqtyq deńgeıdegi attestattaý týraly sheshimmen kelispese, ol joǵary ortalyq attestattaý komıssııaǵa júginýge quqyly. Sondaı-aq, qoldanystaǵy zańnamaǵa sáıkes árbir qyzmetkerdiń sotqa júginýge quqyǵy bar», — dedi Shyńǵys Alekeshev vedomstvoda ótken baspasóz máslıhatynda.
Sondaı-aq, Іshki ister mınıstrliginiń resmı ókili qyzmetker attestatsııadan ótpegen jaǵdaıda qaıta tapsyrý qarastyrylmaǵanyn aıtty.
Buǵan deıin Іshki ister organdarynyń keıbir qyzmetkerleriniń kezekten tys attestatsııadan ótetini týraly habarlaǵan edik.