Atom energetıkasy men AES qurylysy týraly aqparattardy qaıdan bilýge bolady

<p>ASTANA. KAZINFORM &ndash; Atom energetıkasy jáne atom elektr stantsııasynyń (AES) qurylysy máselelerin tereńirek túsingisi keletin azamattar úshin portalda <a href="https://www.gov.kz/situations/723/intro?lang=kk" target="_blank" rel="noopener">Gov.kz&nbsp;<em>eGov mobile </em></a>mobıldi qosymshasynda jıi qoıylatyn suraqtarǵa jaýap beretin jańa bólim quryldy.</p>

QR Energetıka mınıstrligi baspasóz qyzmetiniń habarlaýynsha, 2 qyrkúıekte Qazaqstan Prezıdenti Qasym-Jomart Toqaev respýblıkalyq referendým ótkizý týraly Jarlyqqa qol qoıdy, ol elimizdegi alǵashqy atom elektr stantsııasyn salý týraly sheshim qabyldaýdaǵy sheshýshi kezeń bolady.

Osyǵan baılanysty árbir adam sanaly tańdaý jasaı alýy úshin atom energetıkasynyń mańyzdy aspektileri týraly azamattardy oqytýdy kúsheıtý týraly sheshim qabyldandy.

Qazaqstan Respýblıkasynyń Energetıka mınıstrligi Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip Gov.kz portalynda jáne eGov mobile mobıldi qosymshasynda arnaıy aqparattyq bólimder ázirlep, engizdi. Munda paıdalanýshylar atom energetıkasy, atom elektr stantsııalarynyń qurylysy men jumysy, olardyń qaýipsizdigi men qorshaǵan ortaǵa jáne densaýlyqqa áseri týraly ózekti suraqtarǵa jaýap taba alady.

Bul sharalar árbir qazaqstandyqtyń atom energetıkasyna qatysty barlyq aspektilerge obektıvti baǵa berip, referendýmǵa tolyq jáne senimdi aqparatpen qatysýyn qamtamasyz etýge baǵyttalǵan.

Eske sala ketelik, budan buryn Prezıdent respýblıkalyq referendým ótkizý týraly Jarlyqqa qol qoıǵan edi.