Atom elektr stantsııasynyń qurylysyna qatysty Ashhabadta daýys berý bastaldy

<p>ASTANA. KAZINFORM &ndash; 6 qazanda AES qurylysy boıynsha referendým bastalǵan kúni Qazaqstan Respýblıkasynyń Túrikmenstandaǵy Elshiliginde saılaý ýchaskesi ashyldy.&nbsp;</p>

Saılaý ýchaskesi jergilikti ýaqyt boıynsha saǵat 07:00-de jumysyn bastady. Qazaqstandyq dıplomattar men saılaý ýchaskesiniń músheleri saılaý ýchaskesiniń saltanatty ashylý rásimin memlekettik ánuranynyń oryndalýymen ótkizdi. 

Saılaýshylar tiziminde Túrikmenstanda turatyn nemese resmı ister boıynsha júrgen 81 qazaqstandyq bar. 

Daýys berý saǵat 20:00-ge deıin jalǵasady, odan keıin ýchaskelik komıssııa músheleri daýystardy sanaýǵa kirisedi. 

Shetelde Baký, Bishkek jáne Tashkentte saılaý ýchaskeleriniń qalaı ashylǵany týraly buǵan deıin habarlaǵan bolatynbyz.