Atom elektr stantsııasynan kómirqyshqyl gaz shyǵaryndylary joq – maman

<p>ASTANA. KAZINFORM &ndash; Astanada elimizde atom elektr stantsııasyn salý boıynsha qoǵamdyq tyńdaý ótip jatyr. Іs-sharany Qazaqstannyń azamattyq alıansy men Astana qalasynyń qoǵamdyq keńesi uıymdastyrdy. Shara barysynda aldymen sala mamandary sóz aldy, keıin jınalǵandar AES-ke qatysty suraqtaryna jaýap alady.</p>

«Elimizde elektr qýatyn óndiretin stantsııalardyń 70% kómir jaǵady jáne olar tozǵan. Aldaǵy 10 jylda keıbir stantsııalardyń jumysyn toqtatýǵa týra keledi. Odan basqa, elimizde energııa tutyný kólemi jyldan jylǵa ósip keledi, osy oraıda 2035 jylǵa deıingi elektr energııasyn tutyný jospary bekitildi. Ol boıynsha aldaǵy 10 jylda qýaty 26,5 myń Gvt energııa stantsııalary iske qosylady. Onyń ishinde qoldanystaǵy elektr stantsııalaryn jańartý jumystary da bar. Qazir Qazaqstanda jańartylǵan energııa kózderi ıaǵnı jel, kún elektr stantsııalary jaqsy damyp jatyr. Odan bólek, sý stantsııalary da jańartylýda», - dedi Energetıka mınıstrligi atom energetıkasy jáne ónerkásibi departamenti dırektorynyń orynbasary Gúlmıra Mursalova. 

Mamannyń aıtýynsha, kómirmen jumys isteıtin elektr stantsııalardan qorshaǵan ortaǵa keler zalal kóp. 

«Sol sebepten referendým nátıjeli bolǵan jaǵdaıda, biz úlken qýatty eki reaktory bar bir atom elektr stantsııasyn salýdy qarastyryp jatyrmyz. Sebebi atom elektr stantsııasy jasyl energetıkaǵa jatady. Kómirqyshqyl gaz shyǵyndylary nól. Bizdiń aldymyzda 2060 jyly kómirtegi beıtaraptyǵyna qol jetkizý, ıaǵnı kómirqyshqyl shyǵyndylaryn azaıtý maqsaty tur. Búginde el aýmaǵynda 46 kún elektr stantsııasy, 59 jel elektr stantsııasy jumys isteıdi. Qazir búkil álem atom elektr stantsııasyn damytýǵa tyrysyp jatyr, álemde 415 reaktor jumys istep tur, eń kóbi AQSh-ta, Qytaı 26 reaktor salyp jatyr, bir atom elektr stantsııasynda birneshe reaktor jumys isteýi múmkin. Kórshimiz Ózbekstan da atom elektr stantsııasyn salamyz dep jarııalady. Bizdiń eldiń atom salasynda tájirıbesi mol», - deıdi ol.