Atyraýlyq jýrnalıst Vıktor Sýtıagınniń kóligin órtegen jigit 5 jylǵa sottaldy

<p>ATYRAÝ. KAZINFORM &mdash; Atyraý soty jýrnalıst Vıktor Sýtıagınniń kóligin órtegen jigitke úkim shyǵardy. Kúdikti 5 jylǵa bas bostandyǵynan aıyryldy.</p>

Bul is Atyraý qalasynyń №2 sotynda qaraldy. SottalýshyE.-ge QR Qylmystyq kodeksiniń 202-babynyń 3-bóliginiń 2-tarmaǵymen aıyp taǵylǵan. 

«Sottalýshy E. 2023 jylǵy 11 mamyrda jábirlenýshi S.-nyń «Leksýs» markaly avtokóligin qasaqana órtep, 25 mln teńgeden astam somanyń zalalyn keltirgen. Sottalýshynyń kinási óziniń, kýálardyń aıǵaqtarymen, baqylaý kameralarynan alynǵan foto-beınejazbalarmen jáne basqa da is materıaldarymen dáleldendi», -dep habarlady sottyń baspasóz qyzmeti.

Prokýror sottalýshy E.-ge 6 jyl 1 aı merzimge bas bostandyǵynan aıyrý túrindegi jazany taǵaıyndaýdy surady. Al, jábirlenýshi prokýrordyń ustanymyn qoldady.

«Sot úkimimen sottalýshy E. kináli dep tanylyp, oǵan 5 jyl 1 aı merzimge bas bostandyǵynan aıyrý jazasy taǵaıyndaldy. Jábirlenýshiniń azamattyq talaby tolyǵymen qanaǵattandyryldy», -dep málim etti sottyń baspasóz qyzmetinen.

Sot úkimi zańdy kúshine engen joq.

Eske sala ketelik, Atyraýda jýrnalıst Vıktor Sýtıagınniń kóligin belgisiz bireý órtep jibergeni habarlanǵan edi.