Atyraýlyq jumysshylardyń ereýili: ákim túsinikteme berdi

<p>Atyraý oblysynyń ákimi Serik Shápkenov Maqat aýdanyndaǵy munaı óńdeý zaýyty jumysshylarynyń ereýilge shyǵýyna qatysty pikir bildirdi, dep habarlaıdy <a href="Kazinform" target="_blank" rel="noopener">Kazinform.&nbsp;</a></p>

«Munaı óńdeý zaýytynyń jumysshylary túske deıin shyqty. Olar talaptar qoıdy. Al tústen keıin jumystaryna oraldy. Atalǵan munaı óndeý zaýyty qurylysy endi ǵana bastap, birinshi kezekte jergilikti atyraýlyq jumysshylardy qabyldaı bastady. Jumysshylardyń bir talaby - Maqat aýdanynyń turǵyndaryn ǵana jumysqa qabyldaý. Biraq bul múmkin emes, biz barlyǵyna biryńǵaı jaǵdaı jasaýymyz kerek. Olar jaǵdaıdy túsindi», - dedi Serik Shápkenov Ortalyq kommýnıkatsııalar qyzmet alańynda ótken baspasóz máslıhatynda.

Sondaı-aq jumysshylar jalaqyny 100 paıyzǵa arttyrýdy suraǵan. 

«Bir apta jumys istemeı jatyp jalaqyny kóterýdi talap etip otyr. Biz aldymen olarǵa jumysta maman retindegi quzyrettiligin kórsetýi kerek ekenin túsindirdik. Birden 100 paıyzǵa kóterý degen bolmaıdy», - deıdi ol.