Atyraýlyq sportshy jigit kómir tıelgen 94 tonnalyq vagondy súıredi
Erseıit Bralınniń aýyr vagondy súıregen sáti túsirilgen vıdeo áleýmettik jelide tarady.
Ol Qurmanǵazy aýdanynda turady. Sporttyń paýerlıftıng jáne grepplıng túrimen aınalysady. Osy kezge deıin atalǵan eki sport túrinen sport sheberi normasyn oryndaǵan. Máselen, paýerlıftıngen álem chempıony, Azııa chempıonatynyń qola júldegeri atanǵan. Sondaı-aq, Batys Qazaqstanda ótken «Tolaǵaı alyptary» jarysynyń jeńimpazy bolǵan.
- Burynnan aýyr salmaq kóterýge qyzyǵatyn edim. Endi shákirt tárbıelep, osy salada chempıondar shyǵarǵym keledi. Qazir Atyraý qalasyndaǵy «Sanatorıı» fıtnes ortalyǵynda jattyǵyp, jarystarǵa qatysyp júrmin. Meni baýlyp júrgen jattyqtyrýshym Aleksandr Lıtvınovke alǵysym sheksiz, - deıdi Erseıit Bralın.
Onyń aıtýynsha, 120 tonna bolatyn 5 vagondy súıreýdi maqsat etip júr. Eger bul oıy iske assa, Qazaqstan rekordy jańarýy múmkin.
Eske sala ketelik, budan buryn Atyraý oblysynda 2 júk vagony aýdarylyp, jerge kúkirt tógilgenin habarlaǵan edik.
Keıin Atyraý oblysynda júk vagondary aýdarylǵan ýchaskede qozǵalys qalpyna keltirildi.