Atyraýlyq polıtseı janarmaı beketinde órtengen kólikti sóndirdi

<p>ATYRAÝ. KAZINFORM &ndash; Atyraý qalasynda janarmaı beketinde jeńil kólik órtendi. Janyp jatqan kólik polıtsııa qyzmetkeri qaýipsiz aýmaqqa shyǵaryp, jalyndy sóndirgen.&nbsp;</p>

Atyraý oblystyq polıtsııa departamenti baspasóz qyzmetiniń málimetinshe, oqıǵa búgin, 7 qańtarda bolǵan. 

– Búgin saǵat 10:20 shamasynda Atyraý qalasyndaǵy janar-jaǵarmaı beketinde Nissan markaly avtokóliginen órt shyqqan. Ony túngi aýysymnan keıin úıine bara jatqan Atyraý qalalyq polıtsııa basqarmasy patrýldik polıtsııa batalonynyń qyzmet ınspektory polıtsııa, kishi serjanty Danııar Járdemǵalı baıqaǵan. Jedel áreket etken polıtseı órtenip jatqan kólikti ıterip, janarmaı beketinen aýlaqqa shyǵarǵan. Odan soń órt sóndirý quralymen jalyndy sóndirgen, - dep habarlady departamenttiń baspasóz qyzmeti. 

Janarmaı beketinde oqys oqıǵadan eshkim zardap shekpegen. Kóliktiń ıesi órt sóndirýshiler kelgenge deıin órt sóndirgen polıtseıge alǵysyn bildirdi. 

Eske sala ketelik, buǵan deıin Atyraý polıtseıleri byltyr ózendegi muz astyna qulaǵan 12 adamdy qutqarǵanyn jazǵan edik.