Atyraýlyq órt sóndirýshi paýerlıftıngiden álem chempıony atandy

<p>ATYRAÝ. KAZINFORM &ndash; Atyraý oblystyq tótenshe jaǵdaılar departamentiniń órt sóndirýshi Erseıit Bralın paýerlıftıngiden álem chempıonatyna qatysty. Ol 100 kelide qurlyqtyq báskeniń chempıony ataǵyna ıe boldy.&nbsp;</p>

Atyraý oblystyq tótenshe jaǵdaılar departamentiniń qoǵammen baılanys toby usynǵan aqparatqa qaraǵanda, Erseıit Bralın Qurmanǵazy aýdanyndaǵy №7 órt sóndirý bóliminde jumys isteıdi.

«Paýerlıftıngiden álem chempıonaty 25-27 qazan aralyǵynda Qyrǵyz Respýblıkasynyń astanasy – Bishkek qalasynda ótti. Atalǵan básekege 10-nan astam memleketten kelgen 800-den astam sportshy qatysty. Bul synda Atyraý oblystyq tótenshe jaǵdaılar departamentine qarasty №7 órt sóndirý bóliminiń bólimshe komandıri Erseıit Bralın baq synap, 100 keli salmaq dárejesinde álem chempıony atandy», - dep habarlady departamenttiń qoǵammen baılanys toby.

Foto: Atyraý oblystyq TJD

Atyraýlyq órt sóndirýshi Erseıit Bralın sporttyń birneshe túrimen shuǵyldanady. Ol birneshe sport túrinen Qazaqstan Respýblıkasynyń sport sheberi ataǵyn alǵan. 

Eske sala ketelik, buǵan deıin Atyraý polıtsııasynda jumys isteıtin arý qoıan-qoltyq urystan Azııa chempıony atanǵanyn habarlaǵan bolatynbyz.