Atyraýlyq ónertapqysh qoı etin jilikteýdi úıretetin elektrondyq taqta qurastyrdy

<p>Atyraý oblysynda turatyn ónertapqysh elektrondy taqtalar &nbsp;qurastyrdy. Birinshi taqtada jilik ataýlary, al ekinshisinde tabaq tartý tásili kórsetilgen, dep habarlaıdy <a href="Kazinform" target="_blank" rel="noopener">Kazinform.</a></p>

Ónertapqysh Qýanysh Shalabaev Jylyoı aýdanynda turady. Aýdan ortalyǵy — Qulsary qalasyndaǵy jas tehnıkter stansasynda jumys isteıdi. Osyndaǵy robottyq tehnıka úıirmesine jetekshilik etedi. Ol oqýshylarǵa robottyq tehnıkany qyr-syryn úıretýmen shektelmeı, ózi de túrli túrli jobalardy iske asyryp júr.

«Bala kúnimnen ulttyq ádet-ǵurypqa, salt-dástúrge qanyq bolyp óstim. Qazir burynǵy kezeń emes, qoǵam jańaryp jatyr. Biraq, qazaqtyń ejelden ustanǵan ádet-ǵurpy, salt-dástúri umytylmaýy kerek. Máselen, búgingi jastar soıylǵan maldy jilikteýdi, ár jiliktiń ataýyn, tabaq tartý sekildi ulttyq ereksheligimizdi bilmeýi múmkin. Tabaq tartý da umytyla bastady. Muny jastarǵa úıretýimiz qajet. Innovatsııalyq tehnologııa qanat jaıǵan dáýirde ony jastarǵa qalaı úırteken jón? Biraz oılanyp, jas býynnyń qyzyǵýshylyǵyn oıatý úshin «Qazaq dastur board» jobasymen eki elektrondy taqta daıyndadym. Birinshi taqtada qoıdy jilikteý, ekinshisinde tabaq tartý ádisin usyndym eki elektrondy taqta qurastyrdy. Taqtalarǵa soıylǵan qoıdy jilikteý, tabaq tartý tásili engizildi», - deıdi Qýanysh Shalabaev.

Ónertapqyshtyń aıtýynsha, elektrondy taqtany qurastyrýǵa Arduino baǵdarlamasy qoldanylǵan. Maqsaty — jas býynǵa soıylǵan qoıdy jilikteýdi nasıhattaý. Elektrondy taqtaǵa qoıdyń beınesi salynyp, ár jiliktiń ataýy kórsetilgen. Ár ji­liktiń ataýy bar núkteni bas­qan­da, onyń qaı tabaqqa salynatynyn kórýge bolady. 

Eske sala ketelik, buǵan deıin atyraýlyq sheberdiń sheberhanasynda bir aıda 60 dombyra jasalatynyn habarlaǵan edik.