Atyraýlyq qutqarýshylar shatyry órtengen úıden 82 jastaǵy ájeni arqalap shyǵardy

<p>ATYRAÝ. KAZINFORM &ndash; Atyraý qalasynda kópqabatty turǵyn úıidiń shatyrynda kólik shınasy órtendi. Jergilikti qutqarýshylar úıden 45 turǵyndy ekvakýatsııalady.</p>

Atyraý oblystyq Tótenshe jaǵdaılar departamentiniń qoǵammen baılanys tobynan málim etkendeı, oqıǵa búgin, 21 qazanda bolǵan. 

Foto: Atyraý oblystyq TJD

«Búgin tańerteń Atyraý qalasyndaǵy 9 qabatty turǵyn úıdiń shatyrynda avtokólik shınasy janǵany týraly habar tústi. Oqıǵa ornyna jedel jetken órt sóndirýshiler bir-birimen úılesimdi áreket etti. Qutqarýshylar órttiń taralýyna jol bermeı, jedel sóndirdi. Órt sóndirýshiler turǵyn úıden 45 adamdy qaýipsiz jerge evakýatsııalady. Onyń ishinde kámeletke tolmaǵan 12 bala bar. Al, 1942 jyly týǵan ájeni taza aýaǵa arqalap shyǵardy», - dep habarlady departamenttiń qoǵammen baılanys toby.

Eske sala ketelik, buǵan deıin 7 qazanda Kaspıı teńiziniń jaǵalaýyndaǵy 5 gektar aýmaqta qamys órtenip jatqanyn jazǵan edik.

Keıin Atyraýdaǵy qamys órtinen aýada lastaýshy zattar shekti mólsherden asqanyn habarlaǵan bolatynbyz.