Atyraýlyq eriktiler jaǵa bekitýge atsalysyp jatyr

<p>ASTANA. KAZINFORM — Respýblıka boıynsha Qazaqstan halqy Assambleıasynda 11 900 erikti tirkelgen. Atalǵan uıym óńirlerge 954 tonna azyq-túlik, ózge de qajetti zattardy jóneltken. Búginde sý tasqynynan zardap shekken aımaqtarda eriktiler barynsha belsendilik tanytýda.</p>

Ortalyq kommýnıkatsııalar qyzmetinde ótken brıfıngte «Assambleıa jastary» RQB Atyraý oblysy ókildiginiń tóraǵasy Nurhan Baqytjanov eriktilerdiń jumysyna toqtaldy.

«Atyraý oblysynda «Assambleıa jastary» uıymyna 300-ge jýyq erikti tirkelip, jaǵa bekitý jumystarymen aınalysyp jatyr. Kolledj stýdentteri, jastar, qala turǵyndary belsendi atsalysyp, sý apatyna qarsy sharalarǵa jumylýda. Eriktiler qalanyń gýmanıtarlyq kómek qabyldaý pýnktterinde jumys istep, qapshyqtarǵa qum toltyryp jatyr», — dedi ol.