Atyraýym aman bolsynshy: 8 jasar qyzdyń armany kópshilikti kózine jas alǵyzdy

<p>ATYRAÝ. KAZINFORM — Atyraý oblysyndaǵy tasqyn sý barshany alańdatyp otyr. Tasqyn sýdan qoryqqan 8 jasar Saıda Smaǵul armanyn aıtyp berdi.</p>

Foto: vıdeodan skrın

Ol Atyraý qalasynda turady. Osy shahardaǵy № 34 mektep-gımnazııasynyń 2-synybyn úzdik bitirgen. Dombyra úıirmesine baryp júr.

Onyń armany — dáriger bolyp, syrqat jandardyń densaýlyǵyn túzeýine qol ushyn sozý. Ol tasqyn sýǵa baılanysty oıyn ne sebepti qaǵazǵa túsirgenin aıtty. 

«Tasqyn sý keledi degende qoryqqanym ras. Mekteptegi úzilis kezinde bloknotyma armanymdy jazyp, sómkeme salyp qoıǵan edim. Ony anam kórip, áleýmettik jelige jarııalaǵan eken. Meniń armanym — elim, jerim, úıim men aýlam, mektebim, Atyraýym tasqyn sýdan aman qalsa eken. Basqasynyń bárin ákem men anam satyp alyp beredi», -deıdi Saıda Smaǵul.

Foto: vıdeodan kadr

Jazǵy kanıkýlǵa shyqqan ol jaqynda ata-ájesimen birge Saryaǵashtaǵy demalys ornyna baryp kelgen. 

«Armanymdy jazǵanda oryndalatyn shyǵar dep oıladym. Bloknotymdy anam taýyp alatynyn bilgende ádemi etip jazatyn edim», -deıdi Saıda Smaǵul.

Eske sala ketelik, budan buryn Atyraýda jańa týǵan sábılerge Tasqynbek pen Tasqynbı esimi qoıylǵanyn jazǵan bolatynbyz.