Atyraýǵa Qytaıdan gýmanıtarlyq kómek keldi

<p>ATYRAÝ. KAZINFORM &ndash; Atyraýǵa Qytaıdyń shyǵys jaǵalaýyndaǵy Lıanıýngan portynan gýmanıtarlyq kómek jetkizildi.</p>

Lıanıýngandaǵy qytaı-qazaq logıstıkalyq bazasy – Qytaı men Ortalyq Azııa arasyndaǵy taýar aınalymyn arttratyn iri saýda ortalyǵy. Al, Atyraý oblysyndaǵy sý tasqynynan zardap shekkenderge Lıanıýngan qalasynan jetkizilgen kómekte kúrke, tósek oryn, qolǵap, rezeńke etik, kúrek jáne sý sorǵysh quraldar bar.

«Qazaqstan men Qytaı – uzaq jylǵy dostyq tarıhy bar órkenıetti memleketter. Al, Lıanıýngan men Atyraý arasy alshaq bolǵanymen, elaralyq baılanysqa kedergi bola almaıdy. Bizdiń gýmanıtarlyq kómek sál keshigip kelgenimen, bul eki el halqynyń bir-birine degen qamqorlyǵyn toqtata almaıdy. Lıanıýngan portynan jetkizilgen gýmanıtarlyq kómekti Atyraý qalasynyń áleýmettik damý qoryna tabystaımyn» -dedi Ortalyq Azııadaǵy Lıanıýngan porty ókildiginiń dırektory Chjao Veı.

Eske sala ketelik, budan buryn Atyraýda Jaıyq ózeniniń jaǵalaýynan qum toltyrylǵan qapshyqtar alynyp jatqan habarlaǵan bolatynbyz.