Atyraýdyń taǵy bir aýdanynda Jaıyq ózeniniń deńgeıi qaýipti shekten asty

<p>ATYRAÝ. KAZINFORM &ndash; Atyraýdyń taǵy bir aýdanynda Jaıyq ózeniniń deńgeıi qaýipti shekten asyp ketti.</p>

Atyraý oblysynyń jedel shtabynan málim etkendeı, búgin, 5 mamyrda kúndiz Jaıyq ózeniniń deńgeıi Inder aýdanynda qaýipti shekten asyp ketken edi. Keshki saǵat 20:00-de Mahambet aýdanynda da sý deńgeıi qaýipti shekten asty.

Keshki saǵat 20:00-de Inderbor kentiniń tusynda sý deńgeıi + 15 sm-ge ulǵaıyp, 867 sm boldy. Bul qaýipti deńgeıden 22 santımetrge kóp.

Al, Mahambet aýdanynda + 7 sm kóbeıgen sý deńgeıi 853 santımetrge jetti. Bul aýdanda qaýipti deńgeıi 850 sm edi.

Qazir Atyraý qalasynyń tusynda Jaıyq ózeniniń deńgeıi – 493 sm. Munaıly shahardaǵy qaýipti shek 550 sm deńgeıinde belgilengen.

Jaıyq ózeniniń sýy shahar mańyndaǵy Jańatalap aýylynda 352 sm, Erkinqala eldi mekeninde 312 sm shamasynda bolyp tur.

Eske sala ketelik, budan buryn Jaıyq ózeniniń sýy Inder aýdanynda qaýipti deńgeıden asyp ketkenin jazǵan edik.