Atyraýdyń Reseımen shekaralas aýdanynda apatty úı turǵyndary jańa baspanaǵa kóshti

<p>&nbsp;ATYRAÝ. KAZINFORM &ndash; Atyraý oblysynyń Qurmanǵazy aýdanynda 15 otbasyna jańa baspana berildi. Olar turǵan úı apatty jaǵdaıda dep tanylǵan.&nbsp;</p>

Qurmanǵazy – Reseı Federatsııasymen shekaralas aýdan. Byltyr osyndaǵy 19 aýyldyq orkýgtegi 49 eldi mekende 56,1 myń adam tirkelgen. 

Aýdan ákimi Abat Janǵalıevtiń aıtýynsha, bıyl aýdanda turǵyn úı kezeginde turǵan ártúrli toptaǵy turǵyndarǵa arnalǵan 95 baspana satyp alynǵan. Osy kezge deıin 10 otbasyna turǵyn úı berilgen. Endi jyl sońyna deıin taǵy 85 úı berý josparlanyp otyr.

«Respýblıka kúni – elimizdiń táýelsizdigine jol ashqan kún. Dál osy mereke qarsańynda 15 otbasyna jańadan boı kótergen turǵyn úılerdi berip otyrmyz. Óıtkeni, olar osy kezge deıin Qurmanǵazy aýylynda apatty úıde turǵan edi. Árıne, apatty úıde turý ońaı emes. Turǵyndar muny udaıy kóterip keledi. Sol sebepten, atalǵan otbasylardyń árqaısysyna kezekten úsh bólmeli úıdi berýdi jón kórdik», - deıdi Abat Janǵalıev. 

Eske sala ketelik, buǵan deıin Atyraýda kezekte turǵan 130 otbasyna jańa páter berilgenin habarlaǵan bolatynbyz.