Atyraýdyń mańyndaǵy kanalda balyq ólip jatyr

<p>ATYRAÝ. KAZINFORM &ndash; Atyraý qalasynyń mańyndaǵy kanalda balyq ólip jatyr.&nbsp; Bul derekti Jaıyq-Kaspıı oblysaralyq basseındik balyq sharýashylyǵy ınspektsııasy rastap otyr.</p>

Inspektsııanyń málimetinshe, bul týraly búgin, 29 shildede áleýmettik jeli men sý aıdyndaryna júrgizilgen monıtorıng kezinde anyqtalǵan. Balyq Atyraý qalasynyń mańyndaǵy Teplyı kanalynda qyrylǵan.

«Jaıyq-Kaspıı oblysaralyq basseındik balyq sharýashylyǵy ınspektsııasy balyqtyń ólimi týraly balyq resýrstary men basqa da sý janýarlarynyń qaýip-qateri jáne (nemese) ólimi anyqtalǵan kezde ózara is-qımyl shemasyna sáıkes barlyq múddeli memlekettik organdardy habardar etti. Osy aqparatty tekserý úshin joǵaryda atalǵan memlekettik organdardyń ókilderinen turatyn komıssııa balyq óliminiń boljamdy ornyna shyqty», - dep habarlady oblysaralyq ınspektsııadan.

Teplyı kanalyndaǵy sýdyń temperatýrasy - +39,5 gradýs, otteginiń mólsheri – 6 ml/dm3. Sý jylý elektr ortalyǵynyń qazandyqtary salqyndaǵannan keıin kanalǵa túsedi. Sondaı-aq, shabyndyq aýmaqty sýarý úshin qoldanylady.

Eske sala ketelik, Atyraýda maýsymnan beri 49,9 mln balyq shabaǵy qutqarylǵanyn habarlaǵan edik.