Atyraýdyń Maqat aýdanynda 130 gektar jer telimi memleket menshigine qaıtaryldy
Aýyl sharýashylyǵy mınıstrligi Jer resýrstaryn basqarý komıtetiniń tóraǵasy Murat Temirjanovtyń málimetine júginsek, Atyraý oblysynda jerdi búldirý jáne jer ýchaskelerin nysanaly maqsatyna paıdalanbaý faktileri anyqtalǵan.
«Atyraý oblysynyń jer resýrstaryn basqarý departamentiniń qyzmetkerleri topyraqtyń qunarly qabatyn zańsyz sydyryp alý jáne joıý faktisi boıynsha QR Ákimshilik quqyq buzýshylyq týraly kodeksiniń 337-babynyń 1-bóligimen «AssanaDorStroı» JShS-ǵa nusqama berip, 1 mln 292 myń 200 teńge kóleminde aıyppul salyndy. Qazir departamenttiń nusqamasy negizinde atalǵan jer ýchaskesi qalpyna keltirildi», - dep habarlady Murat Temirjanov.
Sondaı-aq, Atyraý oblysyndaǵy Maqat aýdanynda kásipkerlikti damytý úshin berilgen jalpy kólemi 130 gektardy quraıtyn 3 jer ýchaskesi nysanaly maqsatyna saı ıgerilmegen.
«Departament mamandary jer ıelerine 1 jyl merzim ishinde nysanaly maqsatyna saı ıgerý qajettigi týraly nusqama berildi. Maqat aýdanynyń soty departamenttiń jer kodeksiniń 94-babyna sáıkes jer ýchaskelerin májúrlep alyp qoıý týraly talap aryzyn qanaǵattandyryldy. Jer ýchaskeleri memleket menshigine qaıtaryldy», - dep málim etti Murat Temirjanov.
Eske sala ketelik, budan buryn Atyraý oblysynda jer qoınaýyn paıdalanýshyǵa 12,2 mlrd teńge aıyppul salynǵanyn habarlaǵan bolatynbyz.