Atyraýdyń Maqat aýdanynda 11 muǵalim men tárbıeshi jalǵan dıplommen jumys istegen

<p>Atyraý oblysy Maqat aýdanynyń bilim salasynda 11 qyzmetkerdiń jalǵan dıplommen jumys istegeni anyqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

 
Maqat aýdany prokýrorynyń orynbasary Erlan Kakıevtiń málimetinshe, jalǵan dıplomdy paıdalanǵan qyzmetkerlerdiń 4-eýi mektepte muǵalim bolǵan. Al, 8 qyzmetker jalǵan dıplommen balabaqshada tárbıeshi bolyp jumys istegen.

«Jalǵan dıplomdy paıdalanýmen baılanysty 11 derekke qatysty qylmystyq is tirkelip, zańsyz tólengen jalaqyny keri qaıtarý sharasy qolǵa alyndy. Osy kezge deıin 8 qyzmetker tarapynan bıýdjetke keltirilgen 4 mln teńgege jýyq zalal óndirildi», -deıdi Erlan Kakıev.

Onyń deregine súıensek, 2 tárbıeshiden 4 mln teńge bıýdjetke qaıtarylýǵa tıis. Al, bir tárbıeshige qatysty kúmándi jaıt týyndaǵan.

Sol sebepten qosymsha derekter jınaqtalyp jatyr.

Sondaı-aq, «Dıplommen aýylǵa» baǵdarlamasymen 5 mln teńgege jýyq nesıe alǵan 2 maman jumystan shyǵyp ketken.

Osyǵan baılanysty aýdandyq prokýratýra nesıeni bıýdjetke qaıtarý máselesin baqylaýǵa alyp otyr.

Eske sala ketelik, buǵan deıin Atyraý oblysynda 81 muǵalim jalǵan dıplommen jumys istegenin habarlaǵan bolatynbyz.