Atyraýdyń keıbir bóligi men oǵan irgeles eldi mekenderde jaryq óship qaldy

<p>ATYRAÝ. KAZINFORM &mdash; Atyraý qalasynyń keıbir bóligi men oǵan taıaý ornalasqan aýyldarda jaryq óship qaldy. Jergilikti energetıkter qatty jel aqaýdy qalpyna keltirýge kedergi ekenin alǵa tartyp otyr.</p>

Atyraý oblysynyń energetıkalyq kesheni baspasóz qyzmetiniń aqparatyna qaraǵanda, búgin, 6 aqpanda saǵat 18:00-de Atyraý qalasynda elektr jelileri ajyratylǵan. 

«Qatty jel soǵyp, qar aralas jańbyrǵa ulasýyna baılanysty Atyraý qalasyna qarasty yqsham aýdandar men eldi mekenderdegi 0,4/6/10kV elektr jelilerinde apatty jaǵdaıda óshý tirkeldi. Qazir Atyraý qalasyndaǵy Temirhanov, Kajenbaev, B.Malın, J.Tanqybaev, B.Amanshın, D.Shaıdenov kóshelerinde, «Samal», «Munaıshy» shaǵyn aýdandary men Bereke, Tomarly, Kóktem eldi mekenderiniń turǵyndary jaryqsyz otyr. Áýe jelilerindegi aqaýǵa jeke jáne zańdy tulǵa teńgerimindegi transformatorlyq stansalardaǵy symdardyń bir-birimen aıqasýy sebep bolǵan», - dep habarlady energetıkalyq keshenniń baspasóz qyzmeti. 

Qazir Atyraý qalalyq elektr júıesinen jóndeýshiler brıgadalary aqaýdy qalypqa keltirý jumysyn atqaryp jatyr. 

«Alaıda qalypqa keltirý jumystaryn tez bitirýge qatty jel kedergi keltirip tur. Qatty jeldiń saldarynan ásirese, gıdrokótergish agregaty men krannyń jumysy kesheýildedi», dep málim etti baspasóz qyzmeti. 

Eske sala ketelik, budan buryn Atyraý kóshelerinen kesheden beri 2,4 myń tonna sý sorylǵanyn jazǵan edik.