Atyraýdyń bir bóligi men Qyzylqoǵa, Mahambet aýdandary 5 saǵat jaryqsyz qaldy

<p>ATYRAÝ. KAZINFORM &ndash; Búgin Atyraý qalasynyń bir bóligi men Qyzylqoǵa, Mahambet aýdandarynda jaryq sónip qaldy. Turǵyndar 5 saǵattan astam ýaqyt jaryqsyz otyrdy.</p>

Atyraý oblysynyń energetıkalyq kesheniniń baspasóz qyzmetiniń málimetinshe, búgin, 9 shilde kúni saǵat 09:52 shamasynda «KEGOC» AQ júıelik operatoryna batys óńirde apatty rejım jarııalanǵany týraly habar túsken. 

«Saǵat 11:05 shamasynda apattyń aldyn alý úshin avtomatıka iske qosylyp, 110/35 kV quraıtyn birqatar jeliler ajyratylǵan bolatyn. Oǵan Atyraý men Mańǵystaý oblystaryndaǵy qýattyń tapshylyǵy áser etip otyr. Atyraý oblysynyń energojúıesinde tehnologııalyq ózgeris bolmas úshin kestege sáıkes «Atyraý Jaryq» AQ jelilerindegi kásipkerlik qyzmetke shekteýler engizildi. Saldarynan Atyraý oblysyndaǵy Mahambet, Qyzylqoǵa aýdandary men Atyraý qalasynyń sol jaq bóligi jaryqsyz qaldy», - dep habarlady jenrgetıkalyq keshenniń baspasóz qyzmeti. 

Túsqaıta saǵat 15:33 shamasynda jaryqsyz qalǵan barlyq abonetter tolyqtaı elektr jaryǵymen qamtamasyz etilgen. 

Eske sala ketelik, budan buryn Atyraýda qurylysy toqtap qalǵan kontsert zaly buzylyp jatqanyn jazǵan edik.