Atyraýdyń Amangeldi aýylyndaǵy sý tazartý qondyrǵysynyń jumysy ýaqytsha toqtatyldy
Bul týraly «Atyraý oblysy sý arnasy» KMK aqparat taratty.
«Amangeldi aýylyndaǵy sý tazartý qondyrǵysynyń jumysy qalqymaly sorǵyǵa barý jáne jóndeý júrgizýdiń múmkin emestigine baılanysty ýaqytsha toqtap turǵanyn habarlaımyz. Sonyń saldarynan Damby, Qyzylbalyq, Jańatalap jáne Qurmanǵazy aýyldaryna salqyn sý Atyraý qalasynan jetkiziledi. Osyǵan baılanysty úıdegi sý qysymy tómendeýi múmkin», -delingen kásiporynnyń aqparatynda.
Sý tazartý qondyrǵysyn qaıta iske qosý jumystaryn maýsym aıynda júrgizý josparlanǵan.
Eske sala ketelik, budan buryn Qulsary turǵyndary laılanǵan aýyz sý úshin tarıftiń 50 paıyzyn ǵana tóleıtinin habarlaǵan bolatynbyz.
Al, keshe Jaıyq sýy Atyraýda 6 metrge jetti.
Sondaı-aq, tasqyn sý Atyraýdyń soltústik bóligindegi eldi mekenderge qaýip tóndirip turǵanyn jazǵan edik.