Atyraýdan shyǵatyn birneshe jol jabyldy

<p>ATYRAÝ. KAZINFORM &mdash; Atyraýda aýa raıy qolaısyz bolyp tur. Osyǵan baılanysty munaıly shahardan shyǵatyn birneshe jolda kólik qozǵalysy shekteldi. Bul týraly oblystyq polıtsııa departamentiniń baspasóz qyzmeti aqparat taratty.</p>

«Búgin, 6 aqpan jergilikti ýaqytpen saǵat 19:20-da aýa raıynyń qolaısyzdyǵyna baılanysty respýblıkalyq mańyzy bar Dossor-Qulsary-Beıneý tasjolynyń 0-122 shaqyrymy jáne Atyraý-Oral tasjolynyń 64-189 shaqyrymy aralyǵynda jol jabyldy. Al, oblystyq mańyzy bar Atyraý-Inder tasjolynyń 17-170 shaqyrymynda, Atyraý qalasynan Inder kenti aralyǵynda kólik quraldarynyń barlyq túrine shekteý qoıyldy. Oblys aýmaǵynda kóktaıǵaqtyń bolýyna baılanysty búkil jol qozǵalysyna qatysýshylaryna jol erejesin qatań saqtaý qajettigin eskertemiz», -dep málim etti departamenttiń baspasóz qyzmeti.

Al, tótenshe jaǵdaılar departamenti qoǵammen baılanys tobynyń málimetinshe, erteń, 7 aqpanda óńirdiń ońtústigi men shyǵysynda jaıaý burqasyn, tuman, kóktaıǵaq bolady. 

«Túnde batystan ekpini sekýndyna 18-23 metrge jetetin jel soǵady. Kúndiz jel ekpini sekýndyna 15-20 metrge jetedi», -dep málim etti qoǵammen baılanys tobynan. 

Eske sala ketelik, buǵan deıin Atyraý kóshelerinen kesheden beri 2,4 myń tonna sý sorylǵanyn habarlaǵan bolatynbyz.