Atyraýdaǵy Jylyoı aýdanynan 35 myńǵa jýyq turǵyn evakýatsııalandy
Atyraý oblystyq Tótenshe jaǵdaılar departamenti qoǵammen baılanys tobynyń málimetine qaraǵanda, Jylyoı aýdanynda avarııalyq-qutqarý jumystary úzilissiz júrgizilip jatyr.
«Jylyoı aýdanynyń Qulsary qalasynda turǵyndardy evakýatsııalaý kúsheıtilgen túrde júzege asyrylýda. Qutqarýshylar aýyl turǵyndaryn jáne olardyń tórt túligin qaýipsiz jerge kóshirýge kómek kórsetip jatyr. Aýdannan 9 sáýirdegi málimetke sáıkes, 34 998 turǵyn evakýatsııalanyp, qabyldaý pýnktterine ornalastyryldy. Onyń ishinde 7 239 bala bar. Eldi mekender turǵyndarynyń ıeligindegi 19 939 bas mal qaýipsiz jerge aıdaldy», -dep habarlady departamenttiń qoǵammen baılanys toby.
Qazir Jylyoı aýdanyna elimizdiń ár óńirinen gýmanıtarlyq kómek kelip jatyr. Osy kezge deıin jetkizilgen gýmanıtarlyq kómek 600-den astam tonnany quraıdy.
«Sý astynda qalǵan turǵyn úılerdiń, kásipkerlik sýbektilerine ıelerine, turǵyndarǵa, kásiporyndar men mekemelerdiń basshylaryna sý basqan aýmaqtarǵa barmaýdy suraımyz. Bul – tótenshe jaǵdaılar oryn almas úshin qajetti qadam», - dep málim etti departamenttiń qoǵammen baılanys tobynan.
Eske sala ketelik, budan buryn Atyraý oblysynda tótenshe jaǵdaı jarııalandy.
Atyraýdyń Jylyoı aýdanynan evakýatsııalanǵan halyq sany 31 myńnan asqanyn jazǵan bolatynbyz.