Atyraýdaǵy jarylystan zardap shekken eki balanyń jaǵdaıy áli de aýyr

<p>Atyraýda turǵyn úıdegi gaz-aýa qospasynyń jarylysynan bir otbasynyń bes adamyn kúıik shalyp, aýrýhanaǵa túsken edi. Kesheden beri aýrýhanada erli-zaıyptylar kóz jumdy. Qazir jansaqtaý bóliminde jatqan 2001 jylǵy áıel men eki balanyń jaǵdaıy aýyr kúıde qalyp otyr, dep habarlaıdy <a href="Kazinform." target="_blank" rel="noopener">Kazinform.</a></p>

Atyraý oblystyq balalar aýrýhanasy dırektorynyń emdeý isi jónindegi orynbasary Erjan Esolaevtyń aıtýynsha, eki bala jansaqtaý bóliminde óte aýyr jaǵdaıda jatyr.

«Bizdiń aýrýhanaǵa 2 qańtar kúni jergilikti ýaqytpen saǵat 11:00 shamasynda eki bala óte aýyr jaǵdaıda tústi. Balaqaıdyń biri 2021 jyly týǵan, al, ekinshisi – úsh aılyq eki bala. Ekeýiniń denesinde 80-90 paıyz shamasynda kúıik bar. Balalar jasandy tynys alý qurylǵysyna shuǵyl qosyldy. Jergilikti dárigerler naýqastarǵa tıisti em-dom júrgizýde. Biraq, oń ózgeris baıqalǵan joq. Balalardyń jaǵdaıy áli de burynǵysha – aýyr kúıde qalyp otyr. Olardyń ómirin saqtap qalý úshin elordalyq dárigerlerdiń keńesine júgindik», - dep habarlady Erjan Esbolaev.

Eske sala ketelik, budan buryn habarlaǵanymyzdaı, Atyraýda turǵyn úıde gaz jarylyp, 5 adamdy kúıik shaldy.  

Atyraý qalasynyń mańyndaǵy Kókarna aýylynda turǵyn úıde gaz-aýa qospasy jaryldy. Jarylystyń saldarynan turǵyn úıdiń 9 sharshy metr qabyrǵasy qulap, 140 sharshy metr alańy janyp ketti. Órttiń saldarynan 5 adamdy kúıik shaldy. Zardap shekkender aýrýhanaǵa tústi. Keshe kúıik shalǵan er adam qaıtys boldy. Al, búgin kúıip qalǵan ekinshi adam aýrýhanada kóz jumdy. 

Oblystyq densaýlyq saqtaý basqarmasy baspasóz qyzmetiniń deregine súıensek, aýrýhanada qaıtys bolǵandar – erli-zaıyptylar. Er adam 1965, al, áıel 1970 jyly týǵan. Marqumdardyń denesiniń 90-95 paıyzyn kúıik shalǵan.