Atyraýdaǵy jarylysta kúıip qalǵan ekinshi adam aýrýhanada qaıtys boldy

<p>Atyraýda turǵyn úıde gaz-aýa qospasy jarylyp, bir otbasynyń bes adamy aýrýhanaǵa túsken edi. Keshe 1965 jylǵy er adam, al, búgin 54 jastaǵy áıel aýrýhananyń jansaqtaý bóliminde kóz jumdy, dep habarlaıdy <a href="https://www.inform.kz/" target="_blank" rel="noopener">Kazinform</a>.</p>

Oblystyq densaýlyq saqtaý basqarmasynyń baspasóz qyzmeti rastaǵan derekke qaraǵanda, aýrýhanada qaıtys bolǵandar — erli-zaıyptylar.

«Atyraý qalasynyń Kókarna aýylyndaǵy turǵyn úıdegi jarylystan bes adamdy kúıik shalyp, olar aýrýhanaǵa jetkizilgen edi. Zardap shekken úsh eresek adam oblystyq aýrýhananyń, al, 2021 jáne 2023 jylǵy balaqaılar oblystyq balalar aýrýhanasynyń jansaqtaý bólimine jatqyzyldy» dep habarlady basqarmanyń baspasóz qyzmeti.

Dárigerlerdiń baǵalaýynsha, eresek adamdardyń denesiniń 90-95 paıyzyn kúıik shalǵan.

Al, balalardaǵy kúıiktiń mólsheri — 80 paıyz shamasynda. Balanyń biri — tórt aılyq.

«Búgin, 4 qańtarda gaz-aýa qospasynyń jarylysynan zardap shegip, oblystyq aýrýhananyń jansaqtaý bólimine túsken ekinshi adam qaıtys boldy. Ol — 1970 jylǵy áıel» dep málim etti basqarmanyń baspasóz qyzmeti.

Eske sala ketelik, buǵan deıin Atyraýda turǵyn úıde gaz jarylyp, 5 adamdy kúıik shalǵanyn jazǵan bolatynbyz.

Keshe kúıik shalǵan er adam qaıtys boldy.