Atyraýdaǵy jaǵymsyz ıis: kúkirtti sýtegi shekti mólsherden 25 esege asqan

<p>ATYRAÝ. KAZINFORM &ndash; Atyraý turǵyndaryn aýadaǵy jaǵymsyz ıis alańdatyp otyr. Jergilikti ekologtar júrgizgen monıtorıngke sáıkes kúkirtti sýteginiń mólsheri 25 esege deıin óskeni anyqtalǵan. Atyraý oblystyq ekologııa departamenti zerthanalyq-taldamaly baqylaý bóliminiń basshysy Sapar Tursynbekovtiń málimetinshe, 25 naýryzda atmosferalyq aýa sapasyna monıtorıng júrgizilgen.&nbsp;</p>

«Monıtorıng kezinde Atyraýdaǵy «Akımat», «Avangard», «Vostok» avtomattandyrylǵan aýa sapasyn baqylaý stansalarynda tirkelgen málimetter, atmosferalyq aýadan synama alyndy. Taldaý qorytyndysyna sáıkes «Kvadrat» býlaný alańy, Mırnyı, Peretaska eldi mekenderi mańynda atmosferalyq aýanyń lastaný deregi tirkeldi», - dedi Sapar Tursynbekov. 

Máselen, kúkirtti sýteginiń mólsheri ruqsat etilgen shekti shoǵyrlanýdan «Kvadrat» býlaný alańy aýmaǵynda 6,2, sanıtarlyq qorǵaý aımaǵynda 21-25, turǵyn úıler mańynda 17,5 esege deıin asyp ketken. Monıtorıng korytyndysy oblystyq sanıtarlyq-epıdemologııalyq baqylaý departamentine joldanǵan.

Eske sala ketelik, budan buryn Atyraýda aýadaǵy kúkirtti sýtegi shekti mólsherden asyp ketkenin habarlaǵan edik.