Atyraýdaǵy turaqtandyrý qorynda 3 myń tonnadan astam azyq-túlik bar
«Atyraý» áleýmettik-kásipkerlik korporatsııasy» AQ-nyń baspasóz qyzmetinen málim etkendeı, turaqtandyrý qory baǵdarlamasy iske asyrylyp jatyr.
«Atyraý oblysynda 2024-205 jyldary áleýmettik mańyzy bar taýarlar baǵasyn turaqtandyrý úshin jergilikti saýda jelilerine, taýar óndirýshilerge men kókónis ósirýshilerge aınalym qarajatyn tolyqtyrý úshin qaıtarymdy qaryzdar berildi. Qazir turaqtandyrý qory arqyly áleýmettik mańyzy bar azyq-túlik taýarlarynyń 19 túri satylady. Qazir qor qoımasynda 3018,7 tonna azyq-túlik bar. Azyq-túlik túrleri naryqtaǵy qunynan 20 paıyzǵa tómen baǵamen usynylady», -dep habarlady baspasóz qyzmeti.
Turaqtandyrý qoryna 1 878 tonna kartop, 1 667 tonna pııaz, 1 344 tonna sábiz jáne 801 qyryqqabat jetkizý úshin «AgroFelıks», «Otbasy» sharýa qojalyqtarymen, «KyzanaqAgro» JShS-men kelisimshart jasalǵan. Qantpen qamtamasyz etý úshin «Kóksý qant zaýyty» JShS-men, un jetkizý úshin úsh kásiporynmen osyndaı kelisim bar.
«Aýyl sharýashylyǵy qurylymdarynan alynǵan kartop, pııaz, sábiz, qyryqqabat Atyraý qalasyndaǵy «Dına», «Kóktem», «Nasıha», «Saraıshyq» bazarlarynda, turǵyn alabyndaǵy 3 saýda pavılonynda, «Lıder», «Ideal» sýpermarketteriniń 32, «ıArmarka» sýpermarketiniń 3 núktesinde satylatyn bolady. Et №1 et gastronomynyń 6 pavılonynda, «Halıl Ýsta» atalatyn 2 dúkende satylady. Al, áleýmettik mańyzy bar 14 azyq túlik taýary atalǵan sýpermarketterdiń Atyraý qalasyndaǵy, Inder, Jylyoı, Inder jáne Maqat aýdandaryndaǵy 36 núktesinde satylyp jatyr. Qyzylqoǵa aýdanynda tutynýshylarǵa osyndaı taýarlardy usynatyn 2 saýda jelisi bar», - dep málim etti baspasóz qyzmetinen.
Bıyl jyl basynan beri 940 tonna kartop, 1310 tonna sábiz, 1416 tonna pııaz jáne 461 qyryqqabat tonna satylǵan.
Eske sala ketelik, budan buryn Atyraýda turaqtandyrý qoryna kókónis jetkizetin qojalyqtar sý tasqynynan zardap shekpegenin jazǵan edik.