Atyraýdaǵy saýda-oıyn saýyq ortalyǵyn sharpyǵan órt tolyq sóndirildi

<p>ATYRAÝ. KAZINFORM &ndash; Búgin keshte Atyraý qalasyndaǵy &laquo;Baızar&raquo; saýda-oıyn saýyq ortalyǵynyń ǵımaraty órtengen edi. Jergilikti tótenshe jaǵdaılar departamentiniń hrt sóndirýshileri saýda ortalyǵyn sharpyǵan jalyndy tolyq sóndirdi.</p>

Atyraý oblystyq tótenshe jaǵdaılar departamentiniń qoǵammen baılanys tobynan habarlaǵandaı, saýda ortalyǵyndaǵy órt saǵat 21:53-te oqshaýlanyp, saǵat 22:50-de tolyqtaı joıylǵan. 

Tótenshe jaǵdaılar departamentiniń dıspetcherlik pýltine «Baızar» saýda-oıyn saýyq ortalyǵyndaǵy órttiń tutanǵany jóninde búgin, 27 qazanda saǵat 18:37 shamasynda habar berilgen. 

Jergilikti órt sóndirýshiler Atyraý qalasyndaǵy saýda-oıyn saýyq keshenindegi órtke baılanysty oqıǵa ornyna jedel jetti. Saýda ortalyǵynyń ǵımaratynan 80 adamdy, onyń ishinde 45 balany qaýipsiz jerge evakýatsııalady. Oqıǵa ornynda shtab quryldy. 

Alaıda, saýda ortalyǵynyń ǵımaratyn sharpyǵan órtti tez sóndirý ońaı bolmady. Buǵan birneshe jaıt áser etken. Birinshiden, nysandaǵy tútin kedergi keltirgen. Ekinshiden, kóptegen janǵysh materıal qıyndyq týdyrǵan. 

«Saýda ortalyǵyndaǵy órt sóndirýge Atyraý oblystyq tótenshe jaǵdaılar deparaamentinen 90 qutqarýshy, 12 tehnıka tartyldy. Jalyndy tolyq joıý, sondaı-aq qaıta tutaný oshaqtarynyń aldyn alý úshin konstrýktsııalar buzylyp, sý tógildi», -dep habarlady departamenttiń qoǵammen baılanys tobynan. 

Órtten eshkim zardap shekpegen. Biraq, «Baızar» oıyn-saýyq ortalyǵyndaǵy órt oqıǵasyna baılanysty tótenshe jaǵdaılar departamentiniń daǵdarys ortalyǵynda qaýyrt jeli iske qosyldy. Turǵyndarǵa 45-14-75 nómeri arqyly aqparattyq qoldaý jáne shuǵyl psıhologııalyq kómek kórsetý qolǵa alyndy. 

Eske sala ketelik, buǵan deıin Atyraýda saýda ortalyǵy órtenip, 80 adam qaýipsiz aýmaqqa evakýatsııalanǵanyn jazǵan bolatynbyz.

Keıin Atyraýda saýda-oıyn saýyq ortalyǵyndaǵy órt oqshaýlanǵanyn habarlaǵan edik.