Atyraýdaǵy Pshon atty ıttiń ólimi: Polıtsııa qylmystyq is qozǵady

<p>ATYRAÝ. KAZINFORM &ndash; Atyraý oblysynda bir apta buryn Pshon atty ıtti atyp ketken. It úıdiń aýlasyna kelip, keıin ólip qalǵan. Osyǵan baılanysty qylmystyq is qozǵaldy.</p>

Atyraý oblystyq polıtsııa departamentiniń baspasóz qyzmetinen málim etkendeı, qazir tergeý bastalǵan. 

– Áleýmettik jelide 28 qarasha kúni Mahambet aýdanynyń Sarytoǵaı aýylynan beınejazba tarady. Jelide taralǵan derekke qatysty janýarlarǵa qatygezdikpen qaraý babymen qylmystyq is tirkeldi. Qazir atalǵan oqıǵanyń mán-jaıy anyqtalyp, tergeý amaldary júrgizilip jatyr. Ózge aqparat tergeý múddesine sáıkes jarııalaýǵa jatpaıdy, -dep málim etti departamenttiń baspasóz qyzmeti.

Eske sala ketelik, kóktemgi sý tasqyny kezinde Atyraýda ıt te bóget salýǵa kómektesip júrgeni habarlanǵan bolatyn. 

Ittiń ıesi Zámzagúl Jańabaeva Pshondy kúshik kezinde asyrap alǵan. 

– Meniń ıtim qabaǵan emes edi. Buralqy ıttermen yryldasyp, tóbelespeıtin. Tek bóten ıttiń aıaǵynyń ústinen basyp, sesin ǵana kórsetetin edi. Al, adamdarǵa da, malǵa da úrmeıdi. Tipti úıge kelgen adamǵa abalap úrgenin kórgen emespiz. Jýas bolǵanymen, ózimizge senimdi serik bolǵan edi. Kóktemde kóp adamnyń arasynda qap tasyp júrgende, ákimdik mamandary «Ittiń qujaty bar ma, syrǵasy qaıda?» dep nege aıtpady? Endi qujaty joq ekenin syltaýratyp, atýǵa tapsyrys berip otyr, - dedi Zámzagúl Jańabaeva. 

Búgin ol kúshik kezinen asyraǵan ıtim Pshon qabaǵan emes ekenin aıtyp berdi.