Atyraýdaǵy órtte kúıip qalǵan úsh jasar bala kóz jumdy

<p>ATYRAÝ. KAZINFORM &mdash; Atyraýda 2 qańtarda turǵyn úıde gaz-aýa qospasy jarylyp, bir otbasynyń 5 adamyn kúıik shalǵan edi. Aýrýhananyń jansaqtaý bóliminde erli-zaıyptylar men 3 aılyq sábı, al, jaqynda 3 jasar bala da qaıtys boldy. Aýrýhanada jatqan áıeldiń jaǵdaıy áli de aýyr.&nbsp;</p>

Atyraý oblystyq Densaýlyq saqtaý basqarmasynyń baspasóz qyzmetinen málim etkendeı, 2001 jylǵy oblystyq aýrýhananyń jansaqtaý bóliminen hırýrgııa bólimine aýystyrylǵan.

«Oblystyq balalar aýrýhanasynyń jansaqtaý bólimine túsken 3 jasar bala qaıtys boldy. Qazir oblystyq aýrýhananyń hırýrgııa bóliminde 2001 jylǵy áıel jatyr. Naýqas bul bólimge jaqynda aýystyryldy. Onyń jaǵdaıy áli de aýyr kúıde qalyp otyr. Dárigerler naýqasty jiti baqylaýǵa alyp, em-dom júrgizip jatyr», - dep habarlady basqarmanyń baspasóz qyzmeti.

Eske sala ketelik, budan buryn 2 qańtarda Atyraýda turǵyn úıde gaz jarylyp, 5 adamdy kúıik shalǵanyn jazǵan edik.

Kókarna eldi mekenindegi turǵyn úıdegi gaz-aýa qospasy jarylyp, sońy órtke ulasqan. Jarylystyń saldarynan turǵyn úıdiń 9 sharshy metr qabyrǵasy qulap, 140 sharshy metr alańy janyp ketken. Órtten zardap shekken bes adam aýrýhananyń jansaqtaý bólimine tústi.