Atyraýdaǵy munaı-gaz jáne basqa da nysandar úshin qaýip joq

<p>ATYRAÝ. KAZINFORM &mdash; Atyraý oblysyndaǵy kúrdeli sý tasqyny jaǵdaıyna baılanysty óńirdegi munaı-gaz jáne basqa da qaýipti nysandarda qorǵaý sharalary júrgizilip jatyr.</p>

Kásiporyndardy, «Kvadrat» jáne «Týhlaıa Balka» býlaný ken oryndaryn, qatty turmystyq qaldyqtar polıgonyn, «ANPZ» JShS nysandaryn, NCOC kompanııalaryn («Bolashaq» zaýyty), «KRІ» JShS, «KUS» JShS, «Vest Dala» JShS, «Qaztransoıl» AQ «ANÝ» jáne t.b zaýyttardyń sý basý yqpaldyǵyn azaıtý maqsatynda qorshaýlaryn plombalaý jáne nyǵaıtý, sonymen qatar qum qapshyqtaryn, plenka jáne basqa da materıaldardy paıdalana otyryp, qorǵanys bógetterin salý arqyly atalǵan kásiporyndardyń perımetrlerin nyǵaıtý jumystary júrgizilip jatyr.

Kásiporyn nysandaryn sý basýynan qorǵaý boıynsha basqa da tıimdi sharalar qabyldanyp jatyr. Kadrlyq kezekshilik uıymdastyryldy.

Bul is-sharaǵa 32 arnaıy tehnıka,  zaýyt pen merdiger uıymdardyń 220-dan astam qyzmetkeri jumyldyrylǵan.

2024 jylǵy 11 sáýirdegi jaǵdaı boıynsha nysandardy, jelilik toraptardy nemese magıstraldyq munaı qubyrlaryn sý basýy tirkelgen joq.

Búgingi tańda sý basý qaýpi joq.