Atyraýdaǵy Qulsary qalasynan 887 myńnan astam tekshe metr sý soryldy

<p>ATYRAÝ. KAZINFORM &ndash; Atyraý oblysyndaǵy Qulsary qalasynan 887 myńnan astam tekshe metr sý soryldy.&nbsp;</p>

Atyraý oblysynyń jedel shtabynan málim etkendeı, Qulsary qalasyn basqan tasqyn sýdy sorý jalǵasyp jatyr.

Tasqynnan keıin monoqaladaǵy sýdy sorý jumystaryna qosymsha kúshter tartylǵan. Onyń ishinde Tótenshe jaǵdaılar mınıstrliginiń Aqtóbe oblysyndaǵy 20982 áskerı bólimi, Mańǵystaý, Almaty jáne Atyraý oblystyq tótenshe jaǵdaılar departamentiniń qyzmetkerleri men quraldary bar.

«Qazir Qulsary qalasynda sýdy sorýǵa 7 tirkeme, 21 motopompa, 1 PNS-200, 1 SNP-500, 3 PNS-110 jáne 1 AR-2 qurylǵylary men 54 vakýým tartylyp otyr. Onyń ishinde «Sýpersaker» 3 vakýýmy da bar. Osy kezge deıin shahardan 887 myń 219 tekshe metr sý soryldy», - dep habarlady oblystyq jedel shtab.

Eske sala ketelik, budan buryn Atyraý oblysynda jaǵalaýǵa 2,7 mln qum toltyrylǵan qap tóselgenin habarlaǵan edik.

Sondaı-aq, Atyraý oblysynyń BQO-men shekaradaǵy Baǵyrlaı kanalyna mol sý kelgenin jazǵan bolatynbyz.