Atyraýdaǵy gaz-hımııa kesheninde polıpropılenniń jańa túri shyǵaryla bastady

<p>Byltyr Atyraý oblysynda jylyna 500 tonna polıpropılen shyǵaratyn gaz-hımııa kesheni iske qosylǵan edi. Jaqynda munda polıpropılenniń jańa túri shyǵaryldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

KPI kompanııasy baspasóz qyzmetiniń málimetinshe, keshende polıpropılenniń PP H350 FF/7 dep atalatyn jańa túri (PP) sátti óndirlgen. Polımer naryǵynda bul markaǵa suranys óte joǵary.

«PP H350 FF/7 sorty – toqyma emes materıaldardy, onyń ishinde spınbondy jáne talshyqtardy óndirý úshin qajetti shıkizat. Bul materıaldy paıdalaný aýyl sharýashylyǵy, medıtsına, qurylys, jeńil ónerkásip, súzgi jáne jarnama óndirisi sekildi salalarda keńinen taralǵan. Odan aýyl sharýashylyǵyna jabyn matalar, agrotekstılder, jylyjaı jabdyqtaryn shyǵarýǵa bolady. Medıtsınaǵa qajetti bir rettik kıimderdi, hırýrgııalyq jıyntyqtardy, maılyqtar óndiriledi. Al, qurylysta gıdrooqshaýlaǵysh membranalar, geotekstılder jáne geogrıdterdi shyǵarý úshin qoldanylady», -dep habarlady kompanııanyń baspasóz qyzmeti.

Sondaı-aq, polıpropılenniń PP H350 FF/7 markaly túrin jıhaz, ortopedııalyq matratstar, qaptamalar, avtomobıl ben shańsorǵyshua arnalǵan súzgiler, respıratorlar, sómkeler, qaptamalar shyǵarýǵa shıkizat retinde paıdalanady.

«Bul – álemdegi polıpropılen óndirisiniń 1 paıyzyn quraıtyn, ári Qazaqstandaǵy munaı-gaz ónerkásibin órkendetýge septigi tıetin polıpropılen shyǵaratyn alǵashqy keshen. Munda amerıkandyq Lummus Technology Inc kompanııasynyń Catofin jáne Novolen tehnologııalary ornatylǵan. Osyǵan uqsas keshender álemniń Saýd Arabııasy, AQSh, Belgııa, Ońtústik Koreıa jáne Qytaı eskildi bes elinde ǵana bar», -dep habarlady kompanııanyń baspasóz qyzmetinen.

Eske sala ketelik, buǵan deıin Atyraýdaǵy gaz-hımııa kesheni aqaýlar joıylǵan soń qaıta iske qosylǵan edi.