Atyraýda jumysqa ornalastyramyn dep aldap, 800 myń teńge alǵan adam ustaldy

<p>Atyraýda 53 jastaǵy er adamnan jumysqa ornalastyrý úshin 800 myń teńgeni aldap alǵan kúdikti ustaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Polıtsııa departamenti kıber qylmysqa qarsy kúres tobynyń qyzmetkerleri áleýmettik jelide jumysqa ornalastyrý úshin jalǵan jarnama bergen kúdiktini anyqtaǵan.

«Kúdikti WhatsApp messendjeri arqyly «Denholm Zholdas» JShS-ǵa jumysqa ornalastyratyny jóninde jalǵan jarnama shyǵarǵan. Atalǵan jarnama boıynsha 1970 jylǵy er adam WhatsApp jelisi arqyly kúdiktimen hat almasqan. Kúdikti er adamǵa jumysqa ornalasý úshin aldyn ala tólem tóleý qajettigin aıtyp, Kaspi Gold qosymshasynda tirkelgen nómirdi usynǵan. Er adam sol nómirge áýeli 500 myń, keıin 300 myń teńgeni bólek aýdarǵan. Nátıjesinde 53 jastaǵy azamatqa 800 myń teńge materıaldyq shyǵyn kelgen. Jedel izdestirý is-sharasy kezinde Kaspi Gold qosymshasyna tirkelgen nómirdiń ıesi anyqtaldy. Ol óz jaýabynda atalǵan aqshany 1990 jylǵy kúdiktige bergenin aıtty», - dep málim etti departamenttiń baspasóz qyzmetinen.

Qazir kúdiktige qatysty QR Qylmystyq kodeksiniń 190-babynyń 2-bóligi 4-tarmaǵymen sotqa deıingi tergep-tekserý jumystary júrgizilip jatyr.

«Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy. Qazaqstan Respýblıkasy Konstıtýtsııasynyń 77-baby 3-tarmaǵynyń 1-tarmaqshasy, Qylmystyq-protsestik kodeksiniń 19-babynyń 1-bóligine sáıkes adamnyń kináli ekendigi zańdy kúshine engen sot úkimimen tanylǵansha ol jasalǵan qylmysqa kináli emes dep esepteledi», - dep habarlady departamenttiń baspasóz qyzmeti.

Eske sala ketelik, budan buryn Atyraý oblysynda jyl basynan beri 686 alaıaqtyq qylmysy tirkelgenin jazǵan edik.